KUCKE - LIESE - SPILLEN / Den neie Samschdesmoies-Treff fir déi Kleng an hir Elteren

All samschdes (ausser an de Schoulvakanzen) bidde mir eng Matinée fir Kanner un (hir Elteren, Grousselteren ... si wëllkomm!).

Zesumme loosse mir eiser Fantasie a Kreativitéit fräie Laf. Mir entdecke flott Geschichten, interessant Filmer, spannend Gesellschaftsspiller a villes méi.

‍

Eist Theema dës Kéier:

D’Fréijoer steet virun der Dier. Alles fänkt lues a lues un ze erwächen. Déi eischt Blumme bléien, d’Déiere kommen aus dem Wanterschlof. Et mengt een, d’Liewe géif nees nei ufänken.

Mir lauschteren e puer flott Geschichten, déi eis iwwert de Wanter an d’Fréijoer erzielen an eis e puer Geheimnisser aus der Natur- an Déierewelt an dëser spannender Joreszäit verroden.

Zum Schluss bastele mir eppes Passendes zum Theema Fréijoer.