Kanner brauche Virbiller, fir sech an och hir Perséinlechkeet z‘entwéckelen. Si sichen a fannen hir „Helden“ ganz oft a Geschichten.

Wärend dësem Workshop kucke mir, firwat et esou wichteg ass, dass d'Kanner op hirem Wee fir grouss ze ginn, vun „Helden“ begleet ginn.

Um Programm vum Workshop steet:

·      eng méi theoretesch Aféierung an den Thema (klenge Virtrag)

·      prakteschen Deel: Mir stellen Iech e puer där „Helden aus der Kannerliteratur“ vir a weisen Iech, wéi Dir de Kanner dës Virbiller an hir Geschichte méi nobrénge kënnt. Praktesch Iddien, Virstellung vu Bicher a Material, Austausch vu gesammelten Erfarungen, etc. stinn am Virgrond.

W.e.g. matbréngen: ären perséinlechen "Held" - e Buch, eng Geschicht oder eng Figur

Dës Formatioun fënnt am Kader vun der FoCo vum IFEN statt.

Umeldung nëmmen iwwert dëse Link: https://ssl.education.lu/ifen/descriptionformation?idFormation=276534