Pen to Brain

Meditatiivt Zeechnen

Événement
Veranstaltung
Veranstaltung
Event

Workshop mam Myriam Otto

Am Pen to brain setze mir eis op eng kreativ Aart a Weis mat dem Thema Selbstbestëmmung auserneen. No engem kuerzen Abléck an d’Theorie an enger klenger Aféierung an d’neurographescht Zeechne leeë mir direkt lass. Baséierend op der Method vun der Neurgraphik leeden ech Iech duerch Äre kreative Schafungsprozess a mat Hëllef vu fléissende Linnen, einfache Formen an e bëssche Faarf schaaft jidderee sech säi Bild zum Thema.

Op eng aussergewéinlech Manéier entstinn nei Verbindungen an Denkmusteren, Optioune gi siichtbar. D’Neurographik bitt dir d’Méiglechkeet, op eng einfach an entspaante Manéier, Blockaden ze léisen a Virstellungen, Ziler a Wënsch ze formuléieren. Däin eegent Potenzial gëtt duerch den intuitiven, fräien a kreativen Ausdrock, onofhängeg vu Wieder a Konzepter, ervirgehuewen.

D'Séancen sinn 3h laang a ginn mat Meditatiouns- an Otemübungen ageleed. D'Material gëtt zur Verfügung gestallt.

Umeldung bis 2 Woche virum Start vun der éischter Séance.

"De kreativen Ausdrock begleet mech scho vu klengem un an ënnerschiddleche Konschtformen, wéi der Musek, dem Molen oder dem Danzen. No mengem Bachelor als Sozialpedagogin hunn ech iwwer aacht Joer am klassesche Sënn vum éducateur gradué geschafft fir du meng éischt Schrëtt an d’Selbstännegkeet ze woen. Duerch Zoufall sinn ech op d’Method vun der Neurographik gestouss, hunn 2021 meng Weiderbildung als éischt Neurographikspezialistin vu Lëtzebuerg ofgeschloss an integréieren dës Method op verschidde Manéieren a meng Aarbecht zur mentaler Gesondheet." Myriam Otto

Terminer:

10/10, 24/10, 07/11 vun 14:00-17:00

Umeldeschluss:
5/10/2022
Umeldung:
nora.schleich@ewb.lu
Leedung:
Myriam Otto
Sprooch/Sprache:
LU, DE
Präis:
210€ fir 3 Séancen
Wou:

ErwuesseBildung, 5, av. Marie-Thérèse, Luxembourg

No items found.