"Wéi geet eng gutt Kommunikatioun an der Famill?"

Den "Eltere-Café" an der ErwuesseBildung

21
.
9
|
Événement
Veranstaltung
Veranstaltung
Event

Bei enger Taass Kaffi  proposéiere mir Iech e klenge Virtrag.

Dës Kéier dréit sech alles ëm dat grousst Thema "Kommunikatioun an der Famill".

Wéi kënnen Elteren a Kanner sech besser verstoen, wéi kënne si léieren, gutt mateneen ëmzegoen, sou dass jiddereen sech akzeptéiert a verstane fillt …

Duerno besteet dann d'Méiglechkeet sech auszetauschen, sech weider ze informéieren a sech eventuell déi passend Literatur unzekucken.

Den Eltere-Café ass eng Plaz, wou Elteren, Grousselteren, Dageselteren ... sech treffe kënnen, e bëssche poteren, sech austauschen, deen een oder anere Problem uschwätzen an e gemittleche Moment mat oder ouni hir Kanner verbréngen.

Wéinst eventuelle COVID-19-Aschränkungen hutt dir d’Méiglechkeet, och per Streaming un dësem Eltere-Café deelzehuelen. Sot eis bei Interessi Bescheed, a mir schécken Iech den entspriechende Link.

* Weider Terminer an Themen:

12/10 (Cours: 204260M): Thema „Ech a meng Gefiller“

16/11 (Cours: 204270M): Thema „Léiwe Kleeschen, gudde Kleeschen … - Wat soll ech mengem Kand erzielen? Wéi ginn ech mat senger Wonschlëscht ëm? ..."

14/12 (Cours: 204280M): Thema: „Wann den Dag net genuch Stonnen huet … - Wéi kënnen Elteren a stressegen Zäiten och nach e Moment fir sech fannen?“

Termin:

21/09/2020 vun 10:00 - 12:00 Auer (Ufank vum Virtrag: 10:30 Auer)

Umeldeschluss:
15/9/2020
Informatiounen:
www.ewb.lu
Referentinnen:
Véronique NILLES (Educatrice graduée, systeemesch Familljeberoderin bei der Eltereschoul) ; Danielle MERTES (Referentin fir Kanner- a Jugendliteratur a Liesfërderung bei der ErwuesseBildung)
Sprooch:
Lëtzebuergesch, Däitsch, Franséich
Präis:
gratis. Mir si frou iwwert e klengen Don.
Plaz:

ErwuesseBildung asbl

Organisatioun:
Eltereschoul Janusz Korczak an ErwuesseBildung
Zilgrupp:
Elteren, Grousselteren, Dageselteren a jiddereen, deen un Theemen aus de Beräicher Erzéiung a Famill interesséiert ass.
Coursnummer:
204250M
Partner(s)